عشت انة ابغربتي شلون عشر اسنين
هم فقر و ألـم وهم عـيشـة بالدين
عشر اسنين بيهة البجي ودمــوع
غـيــر ألألـم والهم ماعندي موضوع
تعبني الزمن ومشتاق للطيبين
عشت انة ابغربتي شلون عشر اسنين
بالغربة شفت احزان و كثر المصايب
مرت علي أيام بيها العجايب
انة تعبت مالقيت ولا صاحب وفي
صحبتك من تحـتـاجها الكل تختفي
صـارن الي قـصـص عــد المـلايين
عشت انة ابغربتي شلون عشر اسنين
يالغربة مرض مالك اي دوى
مثل غرقان ابحر ومحتاج الهوا
محتاج لاهــلي والـنـاس
بس بيهم مـرفوع الـراس
تعبني الزمن ومشتاك للطيبين
عشت انة ابغربتي شلون عشر اسنين
متحمل انه هناك طعن الخناجر
كل هذا ماذليت بسكــوت اكـابـر
حال اليتيم حالي شلون يكسر الخاطر
مصايب هالزمن تـلـتـفـلـي مدري منين
مـــن يــــوم فــــارقت دار المحبين
صـارن الي قـصص عـند المـلايـين
المـــــــــــــــــــــــــــــــــــــــــسافـــر
موضوع: سبعة اسئلة للمغتربين العراقيين .. 
الأربعاء مايو 25, 2011 11:58 pm
